Shillong, Lber 14: Ki Pulit ki ïathuh ba kawei ka longkmie ba uwei u bar jylla uba la ithuh kyrteng da u Mohamad Fareed, u la leit ïakynduh ïa ka ba kan long kum ka guarantor na ka bynta jong u ban thied ïa ka kali kaba thymmai bad u la tyrwa ruh ka pisa ïa ka kumba T. 50,000/- halor kane.
Hynrei katei ka longkmie kham hadien ka la sngewthuh ba utei uba la shah kynnoh, u la pynbor ïa ka ban soi ïa ki kam kot kam sla ban thied ïa ka Maruti Eeco van kaba thymmai, khlem da batai bniah bha ïa ka.
Halor kane kham hadien katei kaba la ujor ka la shah phone napoh ka jaka die kali bad sngewthuh ba ïa katei ka kali la thied hapoh ka kyrteng jong ka khlem da ïathuh ïa ki jingmut.
