Ka Viksit Bharat Sankalp Yatra ka ïoh ïa ka jingiatreilang ha EJHD bad buh thong ruh ban kyntiew ïa ki shnong

Khliehriat naiwieng 27: Ki bor district jong ka East Jaiñtia Hills District ha ryngkat ka jingiatreilang bad ka ophis jong u Block Development Officer, Wapung C&RD Block lem bad kiwei kiwei ki tnat myn ha ka 24 tarik mynta u bnai ka la pynlong ïa ka awareness prokram kaba pynshai shaphang ka Viksit Bharat Sankalp Yatra (VBSY) kaba dei shaphang ka jingpyntrei ïa ki skim kiba wan na ka sorkar pdeng, ïa kine ki jingpyntrei la pyntrei ha shnong Ïongkaluh bad ha Jalyiah.
Ha ka prokram ba la pynlong ha shnong Jalyiah la don lang ruh u Sailesh Kumar, uba dei u Director of Finance, Ministry of Rural Development, jong ka sorkar pdeng, uba long ruh kum u nongpeit (Observer) ia ka East Jaintia Hills District, la don lang ruh u District Nodal Officer, Viksit Bharat Sankalp Yatra (VBSY), East Jaiñtia Hills District, u bah D. Lyngdoh lem bad ki heh sorkar jong ki tnat bapher bapher, ki nongsynshar shnong bad kiwei kiwei.
U Sailesh Kumar,u la pynpaw ka jingsngew kmen halor ka jing ioh ba pyntrei ïa ki kam jong ki skim jong ka Viksit Bharat Sankalp Yatra (VBSY) ha East Jaiñtia Hills District bad ong ba kane ka ai ïa ka rynsan kaba shisha ban pynshai sha ki paidbah shaphang ki jait skim kiba la pyntrei na ka skim jong ka sorkar pdeng.
U Kumar u kyntu ïa ki paidbah ba kin shim ïa ka kabu ban dup ioh ban kynjoh sha ka thong ban kot sha ka 100 percent kiba don kyrteng ha ki skim bapher bapher bad ïa shim bynta ha ki prokram bapher bapher jong ka sorkar pdeng.
Ha katei ka sngi ba pynlong ïa kane ka prokram la sam ruh ïa ki syrnot sha ki nongialehkai sport ba paw kiba na ka shnong Jalyiah bad la ai ïa ki connection ba thymmai ïa ki LPG sha ki nong ioh jingmyntoi kiba dei na ka skim PM Ujjwala Yojana. La pynlong ruh ïa ka jingsam dawai ei ïa ki paidbah nongshong shnong bad ki screening test ha kaba iadei bad ka jingpang Tuberculosis (TB) bad kiwei kiwei ki jait jingpang.
La buh ruh ïa ka jaka ban register (registration counter) jong ka Ayushman Bharat – Pradhan Mantri Jan Arogya Yojana.
Ka la don ruh ka jingiaphylliew jingmut hapdeng ki heh sorkar jong ka tnat ka rep ka riang bad ka kynhun ki nongrep, ka Farmers’ Welfare bad la batai ruh da ki nongtrei na ka tnat ka rep ka riang shaphang kumno ban pynlong ïa ka khyndew kaba bha ban thung jingthung bad la pynshlur ruh ïa ki paidbah nongrep ba kin wan shakhmat ban phah test ïa ka khyndew ba ki rep khnang ban dup tip kiba kum kino ki jait jingthung kiba iahap ban thung khnang ban dup lah ban kyntiew ïa ka jingmih na ka rep ka riang.
La ioh ruh ïa ka jingkren na kito kiba ioh jingmyntoi na ki skim jong ka Pradhan Mantri Awas Yojana-Gramin (PMAY-G) bad na ka skim jong ka National Rural Livelihood Mission (NRLM), la ioh jingkren ruh na ki heh sorkar kiba na ki tnat bapher bapher ha kaba iadei bad ki skim kiba hapoh ka Viksit Bharat Sankalp Yatra.
Kum ban shu bynrapp, ka Viksit Bharat Sankalp Yatra (VBSY) ha East Jaiñtia Hills District la pynbna paidbah ha ka 23 tarik u bnai naiwieng 2023 ha ka prokram ba la pynlong ha shnong Ïapmala bad ha Wahsarang bad kan dang iai bteng ban kynjoh shaduh ki 40 tylli ki shnong kiba hap haphoh ka Wapung C&RD Block, 30 tylli ki shnong kiba hap hapoh ka Lumshnong Block bad 34 tylli ki shnong kiba hapoh ka Saipung Block bad kane kan kut ha ka 26 tarik u kyllalyngkot 2024.