Ka sorkar MDA ka la ïaid lynti sha kane ka election ryngkat bad bun ki jingshah kdew kti

Hooid, ha ka ri synshar
paidbah ne democratic system, lah ban kdew kti hynrei ka NPP ka don shibun ki jingkit kiba khia watla kiwei ki party ki don bynta lang ha kaban thaw sorkar.Naduh u snem 2018, ka jylla Meghalaya ka la ïoh ïa ka jingithuh kum kawei ka jaka kaba itynnad tam ha ka liang ki lum ki wah. Katba ki issue halor ka shong suk shongsaiñ (law and order) la saphriang haduh ki national news, ka rukom synshar ka la shah ktah shibun bad ym don kano kano ka jingithuh na kylleng ka pyrthei bad wat na ka Ri.
I Kong Ampareen Lyngdoh, ha ka jingïaid lynti jong i, i la ong ba im pat ju ïohi ba kum kane ka jingjia kan urlong ha ka jylla, da kaba ong, ” Ka sorkar u Conrad Sangma ka la wanrah shibun ïa ka roi ka par bad ka jingmyntoi ha ka jylla. Ka jingïoh jingithuh bad ka kyrdan ka la nang kham kiew. Ha kane ka por ba mynta la donkam ban pynkiew ruh ïa ki jingseng kam la jong. Ka kyrteng jong ka Meghalaya ladei ban ri kyndong ban pynskuiñ ïa ki nongwan jngohkai pyrthei bad ban ai jingithuh ïa ki sap ki phong kiba mih na ka jylla.”
Ka United Nations ka la ai khusnam ïa ka sorkar kaba la wanrah ïa ka Meghalaya Government’s digital initiative. I la pynbud da kaba ong “Ka dei ka kam ba radbah ha kaba ka jylla Meghalaya ka la pyni sha baroh kawei ka pyrthei ba wat hapdeng ka jngslem ban wanrah da ka digital governance, ka la ïoh ïa ka nam bad ki bun ki la sdang ban phaikhmat.” Ha u snem ba ladep, ka jylla Meghalaya ka la ïoh ïa ka khusnam kum ka best State ha ka thup jong ka Startup India Awards bad ka don ha ka kyrdan kaba nyngkong ryngkat bad ka Karnataka bad Gujarat. Kane ka long ka nuksa ba watla ka long ka jylla kaba rit, ka Meghalaya ka la kiew suki bad ka la don ka jingïa pyni bor bad kiwei pat ki jylla kiba khlaiñ. Ha kawei na ka social media channel kaba la pynïaid da ka sorkar (PRIME), ka Coretta Sangma, nongshem jong ka Nostalgia brand, ka la ai ka jingïaroh ïa ka PRIME Meghalaya kaba la kyrshan ïa ka ban pynïaid ïew ïa ki tiar ki tar jong ka, bad kane ka la pynlong ïa ka ban ailad ïa kiwei ban kamai. Ryngkat bad ka koit ka khiah bad ka kam jngohkai pyrthei, kyrshan ïa ka jingthmu jong u Conrad ban kyntiew ïa ka jylla sha khliehduh ha kine ki 10 snem ban wan. Ha kaba ïadei bad ki central scheme, ka sorkar jylla hapoh ka jingïalam ka NPP ka la long kaba seisoh.
Katkum ka jingïoh jingtip jong I kong Ampareen Lyngdoh I la ong “hapdeng u snem 2018-22, ka sorkar ka la wanrah shibun ki surok ban ïa ka sorkar kaba mynshuwa kaba la synshar haduh 20 snem. Ki SHG kiba don hapoh ka sorkar MDA kim kiew mynshuwa hynrei mynta na ka 5,000 tyli ki SHG ha u snem 2018, mynta ki la don haduh 43,000 tylli ki SHG. Kiwei pat ki scheme kum ka Jal Jeevan Mission (ba la ïoh khusnam na ka Ministry of Jal Shakti), MGNREGS, ka jingïaid lynti ka jylla ka la pher.”
Ka khana halor ka jingkiew ka dei tang ka jingsdang; katto katne ki kam pynroi ki la urlong, kum ka jingshan ïa ki infrastructures, FOCUS bad PRIME, kyntiew ïa ka jylla lyngba ki tamasa ki bapher bapher bad kiwei kiwei. Kine ki la ïaid beit, ki la ïaid shakhmat bad yn pynïaid beit ha ki por ban wan.“Ha kine ki 5 snem ba la leit bad 2 snem ki snem covid, ka long kaba eh ban peit matlah ïa ki kam pynroi ba la wanrah da ka sorkar kaba la lamkhmat da u Conrad Sangma.