Sdang thep vote ki tymmen bad kiba thut dkhot met

Shillong, Rymphang 15: Kiba bun ki riewtymmen shynrang bad kynthei kiba la palat 80 snem ki la sdang ban thep vote mynta ka sngi na ka bynta ban jied ïa ki MLA jong ka jylla na ka bynta ka snem 2023 haduh 2028.
Ryngkat ki riewtymmen kiba don ka jingthut ha ki dkhot met ruh ki la ïoh lad ban thep vote na la ïing bad don ruh kiba la thep vote na jingthiah.
Kane ka jingïoh thep vote jong ki ka long lyngba ka jingpynbeit kyrpang da ka Election Commission jong ka ri India, khnang ba baroh ki nongthep vote kin nym duh lad ha kaba jied ïa ki Nongmihkhmat.
Ki Ophisar ba pynïaid ïa ka elekshon ki la leit sha ki ïing ki sem jong kine ki riewtymmen bad kiba thut ki dkhot met. Don ruh ki Ophisar bad Nongpynïaid elekshon kiba la hap ban ïaid kjat sha ki jaka kiba jngai bha.
Ha Meghalaya don palat shispah ngut ki nongthep vote kiba la palat 100 snem bad kiba thut dkhot met ki don palat 7000 ngut .