Ka jingpang lamwir ki ksew bad ki lad jingïada

Nongstoiñ, Risaw : Ka jingpang lamwir jong ki ksew ka dei ka jingpang kaba kynrei bha ha kane ka jylla Meghalaya kaba ktah ym tang ïa ki mrad hynrei wat ïa ki briew ruh. Haba pynshai halor kate ka jait jingpang u samla Sincegist Sanglyne na ka shnong Marngor West Khasi Hills uba dang don mynta ha ka jingpule kum u Bachelor of Veterinary Science & Animal Husbandry ha ka College of Veterinary Scienc & Animal Husbnadry Mizoram haba pynshai paidbah lyngba u kyrwoh ba la phah mynta ka sngi u la ong ym lah ban sumar bad pynbiang ïa ki lad jingiada ka lah ban shim wat ïa ka jingim ruh.
U la pynshai ruh ba katkum ka jingkheiñ ba la ïoh lum ha ka ri India baroh ba haman la ka 2 sekhon uwei u briew u shah dait ksew lamwir bade haman ka 30 minit uwei u briew u khlad na ka jingshah dait ksew lamwir. U la ong ruh ba kitei ki jingjia bad ki dak ki shin ki pynishai kdar ba katei ka jingsha dait ha ki ksew lamwir ka dei kaba ma bad kaba ktah haduh katta katta ïa ka jingim jong ki briew bad ka imlang sahlang.
Utei u samla pule u la pynshai ruh ba ki ksew kiba la don kiba la don lypa ïa ki jingpang lada u dait ïa kiwei pat ki ksew, ki wei pat ki mrad, kum ki masi, ki blang bad ïa ki briew katei ka jingpang ka pur sha kiba shah dait bad lada ki ksew kiba la don ïa katei ka jingpang ki ïalehkai bad ki miaw ruh katei ka jingpang ka pur sted bha.
Utei u samla u la pynshai ruh ba ki dak ki shin jong ka jing don jong ka jingpang kaba pynkhie lamwir ïa ki ksew ka long ha kaba nyngkong ki ksew kin don ka jingkhie shit kynsan ha ka met bad katba nang mih ki sngi ka jingshit ka nang kiew bad ka nang jur haduh ba kan da kiew ha ka khlieh bad haba ka la kiew ha khlieh u ksew u kylla lamwir. Ha kaba ïadei bad ki lad jingïada utei u samla u la pynshai ba lada ngi la ithuh ba u ksew u la sdang kem lamwir ngim dei ban leit shajan bad lada don kiba shah dait dei ban ïalehkatba lah ban pynpoi kloi sha kii jaka sumar ban lait na ka jingjur ka jing shitom.
Ha kaba ïadei bad ki lad ban ïada ïa ki ksew na ka jingpang lamwir pat utei u samla u la pynshai baroh kiba ri ksew ki dei ban pynïoh ïa ka tikka kaba kyrpang kaba ki khot ka Anti rabbies ha ka por kaba biang kta ïa ki ksew kiba shait ba khlaiñ bad kiba tlot ruh ba kin lait na katei ka jingpang.Nalor kata u la ong ruh ban a ka bynta kito ki ksew kiba la sha dait ngi dei basn leit mih sha ki Veterinary Hospital, ki Dispensary ne ki Clinic ba la buh kyrpang ba kin ai injection bad tika na ka bynta ba kin lait na kaba kem lawir bad na ka bynta ki miaw ruh ki donkam bha ban ai ïa kitei ki injection bad tika.
Khatduh eh u la kyntu ïa ki paitbah ba kin don ka jingïatreilang kaba jan bad ki nongtrei kiba dei8 peit ïa kitei ki bynta khnang ngin lait na ka jingshah dait ha ki ksew lamwir bad u la kyntu ruh ïki paitbah ba kim dei ban leh ieit ïa ki ksew kumba ki leh ieit ïa ki khunlung namar ka jyn haw kaba mih na ka jingpynhiar mynsiem u ksew kam ïadei satia bad ka jynhaw kaba mih na ka jingpynhiar mynsiem ki para briew.
Ka jingong jong utei u samla ka long kaba shisha bad kaba shai kdar bha haba phai ha kine ki sngi ba ki don da k ki hajar ki briew kiba kham sngewtynnad ban leh ieit ïa u ksew ban ïa ki khunlung ne ki khynnah kat haduh ba la ijli bad ikynjing ban peit namar ki nud wat ban ïadoh bad ki ksew bad kip hah rung ha poh ïng phah dem ha ki shuki ba la siang bha bad wat ha jingthiah ruh kim salia ban phah thiah .Dei kiba kum kitei ki jait briew keiñ kiba la kham kheiñkor ïa u ksew ban ïa ki para briew.