Jur ka jingkyrshan, jingpyntngen bad ai mynsiem ki paidbah ïa ka jingshah thngan ka GTF

Shillong, Ïaïong 20: Ka jingïakhih ban pyrshah ïa ka projek kam jngohkai ha Dewlynnong Lumpongdeng ka la jam sha ka sngi kaba 12, ha kaba u Secretary General ka Green Tech Foundation Ritre Lyngdoh, uba la ïasnohkti lang bad u Chairman ha ka jingshah thngan.
La lah ban ïohi ba naduh ka por kaba mynstep jong ka sngi Nyngkong, kiba bun ki paidbah, na ki jaka bapher bapher ki la wan ban ai ka jingkyrshan, ban ïasnohktilang bad kumjuh ruh kiba la wan ban pyntngen pat mynta sa ïa u Secretary General jong ka Meghalaya Green Tech Foundation.
Lah ban pynkynmaw ba ha ka sngi U Blei na ka liang u Samla Ritre u la ïathuh ba ki Doctor ki la khmih ïa ka jinglong ka koit ka khiah jong u naduh ka por mynstep bad ha ka por janmiet ruh. Ka jinglong jingman ka jong u baroh ka long kaba biang lut, watla ka la don pat ka jingtyrkhong um ka met kaba malu mala.
U Ritre Lyngdoh ula ai burom ïa ki paidbah kiba ai jingkyrshan halor kane ka jingïakhih shah thngan.
Ka Green Tech Foundation ka la ïai dawa ban pynduh pyndam noh ïa ka projek kam jngohkai bad ka jingïatehkular aiwai jaka na ka bynta ka projek ha dewlynnong Lumpongdeng.
U Chairman jong ka GTF ula ïai bteng ban shah thngan wat hadien ba u la don mynta hapdeng ki jingshah sumar.