Shillong, Jylliew 14: Ka khubor ba la ïoh la ïathuh ba ki hati khlaw ki la leit ban pynjulor ïa kawei ka ïing ha shnong Joyfar kaba dang hab hapoh ka Betasing C&RD Block, South West Garo Hills ha ka miet sngi saitjaiñ ha ka por kumba 11 baje eiei, hynrei la ong ba ha kane ka jingjia ki trai ïing ki la ïohphet bad lait na ki jingma na kane ka jingshah pynjulor ka ïing jong ki.
La ïathuh ba kane ka jingjia ka la jia ha ka por 11 baje mynmiet jong ka 13 tarik Jylliew bad kam shym la don kano kano ka jingjia kaba sngewsih.
Katkum ki khubor ba la ïoh lum, la ïathuh ba ki hati ki la pynjulor lut ïa ka kamra shet jingshet, pynpra lut ïa ki tiar shet bad kyndang naphang ïa ka kamra kaba buh ïa ki marbam kiba dei jong u Ketaki Hajong uba don 4 ngut ki khun kiba dang khynnah hynrei na ka jingïoh ban phet noh jong kiba sah ha kane ka ïing, kam shym la don ka jingjia kaba sngewsih.
