Jowai, Naiwieng 10 : Ka lympung ïalehkai phutbol ba la tip kum ka ‘Open To All Knockout Football Tournament, 2022’ ba la pynïaid da ka West Jaiñtia District Sports Association (WJDSA) kaba la long mynta ka sngi 10 tarik u Naiwieng ha madan Kiang Nangbah Stadium, Dongmihsngi Jowai.
Haba phai sha ka jingïakhun ba nyngkong na ka liang ka kynhun ïalehkai jong ka Iatyllilang FC Wapung kala lah ban pynliem ïa ka Jalapang FC Wahiajer lyngba ka jingïashut kol kynthei da 7-6 kol.
Katba ha ka jingïakhun kaba ar na ka liang ka Seinpynbhalang Sahsniang kala ïakhaid da mar shikol (1-1) bad ka Mukhla Mission haduh ba kut jong ka por jingïakhuh, hadien kane ki bor pynïaid kila hap ban pynïakhun noh da ka jingïashut ‘Kol Kynthei’ ha kaba ka Seinpynbhalang Sahsniang kala jop da 4-1 kol ïa ka Mukhla Mission.
La pyntip ba ka jingïa-khun jong ‘Open To All Knockout Football Tournament, 2022’ kam don satia lashai ka sngi 11 tarik namar kan don ka jingïakhun Semi Final 1st Division ha ka por 1 baje shiteng hapdeng ka Nangbah Iawmusiang pyrshah ïa ka Sailung Ialong.
