Shillong, Naiwieng 30: Ka Web Series Marathi ‘Lampan’ ka la jop ïa ka khusnam Best Web Series (OTT) ha ka International Film Festival of India kaba 55 namar ka jingtbit ha ka jingïathuhkhana, ka rukom pynmih bad khamtam ka jingtbit ki nongak.
La direct da u NipunAvinash Dharmadhikari katkum ki khana ba la thoh da u Prakash Narayan Sant, ka ‘Lampan’ kadei ka khana shaphang u khynnah uba bun ka jingkwah ban tip shaphang ki kam bapher bapher.
Ka khusnam, kaba rakhe ïa ka jingsaiñdur ha ki prokram digital, ka dei kaba la ai ïa ki jingshna bad ïa ka rynsan OTT kiba ïadon bynta bad ka Lampan na ka bynta ka jingtrei shitom jong ki ban wanrah ïa ka khana kaba itynnad bad kaba ktik ïa ki jingmut jingpyrkhat.
Ha ka jingithuh ïa ka jingkiew ka jingsaiñdur ha ki prokram digital, ka khusnam Best Web Series (OTT), kaba la sdang ha ka bynta kaba 54 jong ka IFFI ka long u mawmer wanrah jingkylla ha ka jingpyndon burom ïa ka jingtbit ïathuhkhana ha ki rynsan OTT. Ha ka jingithuh ïa ka jingkiew ka jingktah jong ki rynsan OTT ha ka kam pynbyrnia ha kylleng ka pyrthei.
Mynta u snem, san tylli ki web series ki la shah jied na ka bynta ka jingtbit ha ka jingsaiñdur, ka jingnang ban ïathuh ïa ka khana, ka jingtbit ha ki bynta teknikal bad ka jingktah ïa ka deiriti.
Ka khusnam Best OTT Web Series ka kynthup ka khusnam pisa kaba T. 10,00,000, ka ban ïasam hapdeng ki nongsaiñdur bad ka rynsan OTT, ryngkat bad ki syrnot kaba ithuh ïa ka jingnohsynniang jong ki sha ka jingjop jong ka series.
Kane ka khusnam ka ban jur ïa ka jingïeng skhem ka IFFI ban kyntiew ïa ka jingsaiñdur ha ka kam pynbyrnia. Da kaba ai jingmyntoi na ka bynta ka jingpynmih ïa ki prokram kiba bha ha ki ktien ka India bad ka jingkyntiew ïa ka jingïatreilang hapdeng ki nongpynmih prokram bad ki rynsan na kylleng ka pyrthei, ka IFFI ka thmu ban kyntiew ïa ka India sha ka kyrdan jong ka nongïalam ha ki kam ïathuhkhana lyngba ki lad digital.
