Shillong, Risaw 09: Ka jingïalehkai jong ka lympung SSA SRGT 3rd DIVISION Football League 2023 kaba la long ha madan 3rd Ground MFA Turf, Polo hynne ka Lah Sngi U Blei hapdeng ka Tynring SC pyrshah ïa ka Rynjah SC, ka la jam sha kaba kut ha kaba ka Tynring ka la jop da shi kol.
La sdang ïa kane ka jingïakhun ha ka por 5 baje janmiet, bad na ka liang jong ka Tynring SC ka la ïoh ban pynkhihjar lyngba u Mebalabiang Marboh ha ka minit ba 51 kaba la biang pura ïa ka kynhun ban khur ïa ka namjop.
Mynta ka sngi kin don haduh lai tylli ki jingïalehkai ka ban sdang naduh ka por 1:30 nohphaisngi ha kaba Lapalang SC kan aireng pyrshah ïa ka Krang SC. Nangta bud sa ka jingïakhun kaba ar ha ka por 3:30 janmiet ha kaba ka Gorkha Association kan aireng pyrshah ïa ka MLP FT, bad ka jingïalehkai kaba khadduh kan sdang ha ka por 5:30 janmiet hapdeng ka Mawryngkneng SC pyrshah ïa ka Nongkseh SC.
