Jowai, Nohprah 11: Ka lympung ïalehkai phutbol kaba la tip kum ka “3rd Sniawbhalang Dhar Football Tournament 2023” kaba la long mynta ka sngi ha madan Wahiajer Stadium Wahiajer West Jaiñtia Hills District.
Haba phai sha ka jingïakhun na ka liang ka kynhun ïalehkai jong ka Sohphoh kala lah ban pynliem da 4-1 kol ïaka Nartiang, ïa kitei ki kol naka Sohphoh la thep da u Lovingstar Suting ar kol haka minit ba 21 & 45, u Sumar Suting haka minit ba 57 bad u Ejinghun Phyllei haka minit ba 70. Katba ïa ka shikol naka Nartiang la thep da u Dawyo Shadap haka minit ba 36.
La pyntip ba ka jingïakhun haka 14.12.2023 kan long hapdeng ka Tyrshang pyrshah ïaka Takhniang haka por 12 baje mynsngi, katba ha ka por 2 waje nohphai sngi kan long hapdeng ka Moobakhon pyrshah ïaka Kremmyrsiang.
