Shillong, Naitung 09 : Ka kynhun ïalehkai jong ka Risa Colony SC bad ka Mawphlang SC ki la ïoh ban khur ïa ka jingjop ha ka lympung ïakhun jong ka 4th Division kaba long hynne ka sngi ha madan Polo.
Haba phai sha ka jingïakhun ba nyngkong ka Risa Colony ka la pynliem da 2-1 kol ïa ka Laitumkhrah SC. Ïa ki kol jong ka Risa Colony la ïoh ban thep da u Firstjohnpaul Khyriem ha ka minit kaba 49 bad ïa ka kol kaba ar pat la ïoh ban thep da u Damanshwa Marboh ha ka minit kaba 65.
Katba ïa ka shi kol jong ka Laitumkhrah la ïoh ban thep da u Sankin Lynser ha ka minit kaba 60.
Ha ka jingïakhun kaba ar hapdeng ka Mawkasiang bad Mawphlang SC, ka Mawphlang ka la ïoh ban pynliem da 3-2 kol bad ïa ki kol jong ka la ïoh ban thep da u Damutskhemlang Kharsahnoh ha ka minit ba 26, nangta u Bankit Kurbah ha ka minit kaba 58 bad ïa ka kol kaba lai pat da u Firstborn Synrem ha ka minit kaba 68.
Ïa ki kol jong ka Mawkasiang pat la ïoh ban thep da u Westernroy Nongrum ha ka minit kaba 24 bad ïa ka kol kaba ar la ïoh ban thep da u Teiborlang Khongjee ha ka minit kaba 32.
Ki jingïakhun ha ka 10-07-2024 kin long hapdeng ka Golflink SC pyrshah ïa ka Nongthymmai katba ka Umsohsun pat kan iakhun pyrshah ïa ka Mawlynrei SC. Kine baroh ar tylli ki jingïakhun kin long ha ka por 4:00 baje janmiet.
