Jowai, KyllaLyngkot 10: Ka lympung ïalehkai phutbol bala tip kum ka “3rd Sniawbhalang Football Tournament” kala long hynne ka sngi 10 tarik u Kyllalyngkot ha madan Wahiajer Stadium Wahiajer West Jaiñtia Hills District.
Haba phai sha ka jingïakhun Pre Quarter ba nongkong na ka liang ka kynhun ïalehkai jong ka Nongkhroh kala lah ban pynliem da 1-0 kol ïaka Ummulong, ïa katei ka shikol naka Nongkhroh la thep da u Snowel Kharsati haka minit ba 71.
Katba haka jingïakhun kaba ar ka kynhun ïalehkai jong ka Umjlasiaw kala lah ban pynliem da 2-1 kol ïaka Nonglatem, ïa ki kol naka Umjlasiaw la thep da u Heimonmi Phawa haka minit ba 33 bad u Baiahun Tariang haka minit ba 70. Ïa ka shikol na ka Nonglatem la thep da u Forme Muktieh haka minit ba 2.
Na ka liang ki bor pynïaid jong kane ka Tournament kila pyntip ba ka jingïakhun ba nyngkong jong ka ‘Quarter Final’ kan long haka 12/01/2024 hapdeng ka Tyrchang pyrshah ïaka Sohphoh haka por 1 baje nohphai sngi.
