SOHRA, Lber 12: Ka Exporter XI bad ka Sohra Labour Union ki la jop ïala ki jong ki jong ki jingïakhun ha ka sngi ba lai (Day:3) jong ka Inter Office Cum Corporate League T20 Cricket Tournament 2025 ba la pynlong da ka East Khasi Hills Cricket Association [EKHCA] ha madan Pynshadkhurai, Sohra.
Ka Exporter XI ka la pynliem ïa ka NIT Meghalaya da 6 wiket ha ka jingïalehkai ba nyngkong nangta ka Sohra Labour Union ka la jop suk da 71 ron ïa ka Sohra Post Office.
Ka NIT Meghalaya ka la shimti ban tied nyngkong hadien ba jop ïa ka jingkynting pisa (toss) ha kaba ka la lah ban kamai 172 ron bad khyllem 5 wiket haki 20 ober. U Holding Mewell Surong u la long uba kongsan ha ka tied da kaba kamai 38 ron naki 38 bol. U Mehraf Hussain Sarkar u la khur 2/33 naki 4 ober.
Ka Exporter XI ka la pyndep ïa ka kamram da kaba pynsah sa 1.2 ober, ha kaba ka la kynjoh ïa ka 173 ron bad hap tang 4 wiket naki 18.4 ober bad u Swapon Chakraborty u la lamkhmat ha ka tied da kaba kamai 45 ron naki 35 bol. U Holding Mewell Surong u la khur 1/15 naki 2 ober. ïa ka nam Player of The Match la khur da u Shubro Sarkar (kamai 27 ron naki 19 bol bad khur 1/23 naki 4 ober).
Ha ka jingïalehkai kaba bud ka Sohra Labour Union ka la lah ban kamai 228 ron khlem da hap wiket naki 20 ober. U Pherson Diengdoh u la long uba kongsan tam ha ka tied da kaba kamai 106 ron naki 60 bol.
Haba pyrshang jubab ka Sohra Post Office ka la shah pynkut noh da tang 93/6 haki 14 ober ba la mang (DLS method), u Kevinstar Khongwar u la kamai 32 ron naki 42 bol. U Risking Nongjiej u la khur 3/11 naki 2.5 ober ha kaba ka kynhun (Sohra Labour Union) ka la jop suk da 71 ron bad ïa ka nam Player of The Match la khur da u Pherson Diengdoh.
