Shillong, Rymphang 01 : Ka Jingïaseng Samla jong ka Shillong Sepngi Presbytery kaba Arphew (XX) kan long ha ka Balang Presbyterian Lummawbah ha ka 02tarik haduh 04tarik Rymphang, 2024.
Katkum ka kyrwoh ba la phah da u Secretary ka Balang Presbyterian Lummawbah, Bah P Syiem la ïathuh ba ka Balang ka la dep ban pynbeit ïa ki jaka ieng kali na bynta kito kiba wan sha katei ka Jingïaseng Samla.
Na bynta ki kali rit ba wan na Lad Shnong Lummawbah la pynbeit ba kin ieng ha Parking No-1 bad na bynta ki bos, ki sumo ki lah ban wan na Laimer (3rd Mile) sha madan Nongkseh bad kin ieng ha Parking No-2 bad Parking No-3.
