Shillong, Nailar 04: Ka Sorkar Jylla ka la jer kyrteng thymmai ïa ki 7 tylli ki surok bad artylli ki jingtei ki ban sa khot noh nangne shakhmat.
Kine ki surok ki kynthup ïa ka surok NH-217 sha ïew Baghmara Bong ka ban tip noh kum ka surok Capt.Williamson A Sangma, ka surok na Mawkdok sha Ophis u Syiem ka Sohra ba ïaid lyngba ka ïewbah Sohra sha ka surok Syiem Duwansing Syiem, ka surok na Sohra (gate) Nongsawlia sha Saitsohpen-Mawsmai sha ka surok Thomas Jone, ka surok PWD najan Bajengdoba UP School haduh ka ïingsah u Ullum R Marak kum ka surok Ullum R Marak, ka surok na ïingdorbar ka Mawkhar sha Jaïaw Langsning kum ka surok Doctor Hugh Gordon Robert, ka surok na Holy Cross Hospital sha ka surok Bishop George Mamalassery bad ka surok na ka ophis u SP ka WGH sha ka Police Reserve sha ka surok Leo Sangma.
Kane ka long katkum ka jingpynbna ba la pynmih da u Secretary ka GAD u Bah CVD Diengdoh ha ka 29 tarik u Naitung.
Kumjuh ruh ïa ka Raitong Building la pynkylla kyrteng sha ka Lum Shyllong Building bad ïa ka GNM School of Nursing Nongpoh sha ka GNM School of Nursing Pahamsyiem Nongpoh.
Ka Sorkar ka la jer kyrteng ruh ïa ka Lumbatngen (Law-u-Sib) sha ka Lumbatngen.
