Nongstoiñ, Nohprah 19: Uwei u khunlung uba dang khyndai snem, ka karta uba la tip kyrteng kum u Durmur Thappa uba dei na ka shnong Songsak kaba don ha Shahlang u la jah na la ïng naduh ka 4 tarik mynta u bnai .Ha u kyrwohkhubor ba la pyllait da u Supritendent of Police West Khasi Hill la ong ba hadien ba utei u khunlung u la jah u kpa jong u u Min Bahadur Thapa u la leit buh da ka ejhar ha Shahlang Police Station bad ha katei ka ejhar u la kdew ba ïa utei u khunlung la ïihi khatduh da ki nongshong shnong ha Joplang Higher Secondary Sxchool hynrei haduh mynta ka sngi ym pat tip shaei u don.La ong ruh ba utei u khunlung u don ïa ka jingjrong kaba 48 inchies , u phong da ka jacket rong grey ,ka patlun lyngkot kaba ïong bad u phong da ki slipar ba rongïong thohlieh ha ka por ba u jah.
