Shillong, Lber 06: Ka khubor ba la ïoh na ki pulit la ïathuh ba u Albora Marak u la phah ka jingujor ba ha ka 19 tarik u Rymphang, 2025 ha ka por 5.30 baje mynstep, u la lap ba ki la don haduh 11 tylli ki masi kiba la jah napoh ka sem kaba ha ka shnong Hatmawdon kaba dang hab ha Mawsynram PS (EKH).
Ha kawei pat ka jingjia u Nitin Kumar u la phah ka jingujor ba ha ka 3 tarik u Lber, ki runar bym lah ban ithuh ki la tuh ïa ka thuk thuk jong u napoh ka quarter BSF Camp, Umpling, Shillong.
Shuh shuh ha kawei pat ka jingjia ka la don ka jingujor ba ha ka 22 tarik u Rymphang, 2025 ha ka por 7.17 baje mynstep, ki pulit ki la ïathuh ba ki la ïoh jingtip ba uwei u briew u la thep ïa ka pisa thok kaba T. 500 hapoh ka AMT Kiosk kaba don ha SBI, Mawkyrwat Branch (SWKH).
