Jowai, Naiwieng 04: Ka Lambhadaka Patlong, ka khun jong u (L) Chit Tharuh, kaba sah ha Khliehïongriang, West Jaiñtia Hills kaba trei ha Statistics and Information Department JHADC, Jowai ka la ïoh ïa ka kyrdan Doctor of Philosophy (Honoris Causa Degree) ha ka ‘Physical Education’ specialising in Sports as a Bridge: Fostering Global Social Cohesion, na ka Academic Council of the University jong ka Northern Institutes for Integrated Learning in Management (NIILM), Kaithal, India.
Ka samla Lambhadaka ka la ïoh ia kane ka kyrdan ha ka National Conference kaba ar sngi kata, ha ka 30 bad 31 tarik, Risaw, 2025 halor ka phang “Indigenous Knowledge System and Recent Advance in Science, Management, Engineer & Technology for Sustainable Development” ba la kyrshan da ka AICTE ryngkat ka jingdonlang u Dr. H.L Verma, Vice-chancellor, Baba Mastnath University, Rotak, u Prof.(Dr.) Avinash Kumar Chawla uba long u Vice chancellor barim, Kurukshetra University, Kurukshetra kiba la long kum ki kongsan.
