Shillong, Iaiong 02: Ki pulit jong ka Tikrikila ha dien ba ki la ïoh ïa ka jingtip ba kan don ka kali kaba poi sha katei ka jaka ïa kaba la suba ba kit ïa ki jingdih ba sniew, ki pulit ki la pynlong ka jingp ktem bad haba la poi katei ka kali ki la talasi bad kila ïoh ban kurup 749 bilor ka dawai Phensedyl.
Ki pulit kila bat ïa ka kali kaba don u number AS-01-FH-1303, kawei ka bike kaba don u number AS-18-H-3709. Ki pulit kila ïoh ban kem ïa u wei na ki nongkhaïi na katei ka jaka, na ka liang jong ki pulit ki dang bteng ïa ka jingtohkit ban lap ïa kiba dan kti ha kane ka kam khaïi beaiñ.
Ki pulit kila kurup ruh ïa ki ID card, ka cheque kaba T.18000/- hajar tyngka, ki ATM na u ba shah kem, kane ka dawai jyrhoh Phensedyl ka dei kaba dawa bha sha Bangladesh bad na ka liang jong ki Pulit bad ki BSF ruh ki juh oh kurup man ka por ïa kane ka dawai.
