Shillong, Kyllalyngkot 8 : Mynta ka sngi ki pulit jong ka Mawsynram Police Station ki la ïoh ban kem ïa arngut ki briew kiba suba donkti ha ki kam tuh bad khaïi tuh ïa ki thuk thuk sha Bangladesh. Kine ki arngut kiba la ïoh kem da ki pulit ki dei u Sengku M Marak 24 snem ka rta bad u Cornalius Mukhim ba 18 snem ka rta. Ki pulit ki la ïoh ban kem ïa ki ha ka por ba ki talasi ïa ki thuk thuk kiba ïaid ha katei ka thain. Ki thuk thuk ba la ïoh kurup ki long kawei na Assam bad ar tylli na Shillong kita ki long AS 19N 8664, ML 05AD 3852, ML05 AE 1218. Katba uwei pat u la ïoh ban phet krad sha khlaw bad ieh ïa ka thuk thuk harud surok.
