Ïoh ka Dorbar Shnong Namnong-B ïa ka Community Hall

Jowai, K’Lyngkot 29: Ka Dorbar Shnong Namdong B, West Jaiñtia Hills District ha ka sngi 25 tarik u Kyllalyngkot 2025 ka la ïoh ïa ka ‘Community Hall Namdong B’ ba thymmai ne ka ïing Dorbar, ïa kaba la plie paidbah da u Waheh shnong ka Namdong B, u ma Damian S War uba long kum u Chief Guest uba dei ruh u Candidate jong ka UDP na ka 10 Mynsngat Khanduli.
Ha kane ka jingplie ïa ka Community Hall la ot ïa u Ribon bad plie da u ma Damian S War bad la Kyrkhu bad Duwai da i Fr. Dominik Kympat.
Ha kane ka sngi la ïadon lang ki waheh shnong ka thaiñ naduh waheh shnong Namdong A, ma Arki Sumer, Waheh Shnong Ladmynngor ma Wili Pasi, Waheh Shnong Myngngor, Waheh Shnong Thadmukoh ma Hopingstar Phawa la don lang ruh u waheh Raij Namdong u ma L. Lyngdoh bad u Secretary Raij Namdong u ma Isidol Pakma bad ki nongïalam ka KSU West Jaiñtia, Nongïalam ka FKJGP West Jaiñtia.
La don ruh ka jingïalang lyngkot bala pynïaid da u Secretary Shnong u ma Serus Lipon bad la pdiang burom da u Assistant Waheh shnong u ma Andreas Sumer bad la kren maitphang da u ma A. Shadap bad shibun ki nong kren ki la ïaroh bad ai mynsiem ïa ka jingtrei shitom jong u Waheh Shnong bad ka Committee shnong ban pynurlong ïa ka jingthrang da ka jingnoh synniang ki nongshong shnong.
U Damian S War haba ai jing kren u la ïaroh ïaki paidbah Nong shong shnong u ong lyngba ka jingtrei lang bad ka jingnoh synniang jong ki nongshong shnong bad na ka MLA bad MP scheme katto katne hynrei kaba bun dei da ka jingnoh synniang bad u la kyrpad ruh ïaki paidbah ban ai ka jingkyrshan ïa u ha kane ka election MDC khnang ba un lah ban shakri khambha ïa ki paidbah.
La pynphuh pynphieng ïa kane ka sngi da ki jingshad tynrai na ki dong bapher bapher.