Nongpoh, Nohprah 22: U MLA ka Nongpoh Constituency u bah Mayral Born Syiem hynnin ka sngi u la leit ban plie paidbah ïa kawei ka shlem treikam jong ka A Monlang Ika Village Organisation haka shnong Umling Lambrang ba katei ka kynhun kan ioh ïaka jaka treikam ba pura.
Ka Monlang-Ika Village Organization kadei kawei naki VO kaba don hapoh ka shnong ka shnong Umling Langbrang kaba la ai ïaka jingshakri kaba bha tam sha ka shnong mynta la 2 tylli ki snem kaba kdup ruh ïa ki 9 tylli Self Help Groups (SHGs) ka pyndep bun ki kam kum ka VO hapoh la Shnong naduh ka jingïa kynshew, ka jingai ram bad ka jinghikai mar kylliang. Ka kam kaba kham long phylla bad kaba ai mynsiem ia kiwei pat ka long ka jingleh ïaka kam isynei naka bynta ki ba duna haka ïoh ka kot da kaba ki ïa kynshew ïa u khaw (Rice Bank) bad shi sien shi bnai ki ju ai sngewbha sha ki longiing kiba duk bad kiba duna haka ïoh ka kot.
Ha kane ka sngi kaba kyrpang jong ka VO A Monlang-Ika u bah Mayral Born Syiem u la ïoh ban khap ïa u ribbon bad plie paidbah noh ïa ka shlem treikam kaba shipor jong ka VO bad u la ïoh ruh ban bet ïaki kyntien kyntu kynpham sha baroh ki longkmie kiba wan ban ia donlang ha katei ka jaka.
U Bah Mayral Born u la kyntu ïaki longkmie baroh ba ki dei ban trei shitom shuh shuh katba dang wan ki sngi khnang ba kit kot iaka thong kaba ki buh, u la ong ruh ba kim dei ban don ka jingia shrut bad ka jing ïa bishni para dkhot namar kine ki daw baroh ki la ban wan rah iaka jing ïa pait ïa pra. Ngi dei ban ïa tylli bad ban skhem jingmut wat la ki wan ki jingeh kiba bun bad ngi dei ban skhem ba ngin thom shaphrang khnang ba ngin lah ban wan rah ïaki jingkylla hapoh ka shnong ka thaw, ong u bah Mayral.
Ha katei ka jingialang la ïa Don lang da Kong Preticy Maring President ka Monlang-Ika VO, Bah Losstar Makri Rangbah Shnong Umling Langbrang, Tbn. NS Nongrum, kong Betsida Lyngdoh Secretary VO lem bad kiwei kiwei.
