Khliehriat, Naiwieng 18: U bah Thynda Sana uba ju bat ïa ka kam kum u President jong ka Khliehriat Block Congress Committee (KBCC) myn ha kane ka 15 tarik mynta u bnai ula phah ïa ka shithi iehnoh kam jong u kum u President ka KBCC sha ka office u President ka MPCC.
La ong ruh ba kane ka jingiehnoh kam jong ka dei na ka daw shimet jong u hi bad u la kitbok kitrwiang ruh ïa ka party bad ki nongkitkam jong ka ban dang ïai trei shitom na ka bynta ka bha ka miat jong ka party.
Katkum ki khubor ba la mih ha kine ki sngi bala dep la ong ba u bah Sana u lah ba un ïakhun na kano ka party naka 21- Tuber Constituency ha ka MDC bad ula ong ruh ba ka por kan sa batai tad ynda poi kata ka por, pynkut ka kyrwoh na u ma Thynda Sana.
