Ïashim bynta u Myntri ka koit ka khiah haka ‘International Day of Yoga’ ha Jowai

By Mawphor Editor On Jun 20, 2026

filter: 0; fileterIntensity: 0.0; filterMask: 0; captureOrientation: 0; brp_mask:0; brp_del_th:null; brp_del_sen:null; delta:null; module: video;hw-remosaic: false;touch: (-1.0, -1.0);sceneMode: 0;cct_value: 0;AI_Scene: (-1, -1);aec_lux: 0.0;aec_lux_index: 0;albedo: ;confidence: ;motionLevel: -1;weatherinfo: null;temperature: 40;

Jowai, Jylliew 19: U Myntri ka tnad ka koit ka khiah u ma Wailadmiki Shylla mynta ka sngi ula wan ïashim bynta lang haka jingrakhe ïaka ‘International Day of Yoga’ bala pynlong da ka District Ayush Society, ha Khimusniang Indoor Hall, Jowai halor ka phang “Yoga for Healthy Aging.”
Kiwei de kiba la wna ban donlong ki kynthup naduh ka DMHO West Jaiñtia Hills Dr. P. Shylla, ka District Nodal Officer (Ayush) Dr. Bonnie T Hinge, u Waheh Shnong ka Dorbar Shnong Khimusniang ma T.S Bamon nalor kiwei de.
U ma Wailadmiki Shylla haba ai jingkren ula pynsngew halor ka jingdonkam ban leh ïaka Yoga ha kine ki sngi ba mynta khnang ban ïoh ïa ka koit ka khiah, da kaba ong ka jingleh Yoga manla ka por ka pyllait na shibum ki jingkhuslai ha jingmut jingpyrkhat bad kan pyllait na ki jingeh ba bun ha ka koit ka khiah.
Haka juh ka por u khot ïa ki samla pule ban shim khia ban kyntiew ïaka rukom im kaba koit ba khiah, u myntri u kyntu ïa ki samla pule ban long kum ki nongmihkhmat jong ka Yoga bad ban pynphriang ïa ka jingtip shaphang ka jingmyntoi na ka Yoga. Ula ban jur ba ki samla kin trei shitom ban ïarap ha ka ban kyntiew ïa ka imlang sahlang haka liang ka koit ka khiah.
Ka DMHO Dr. P. Shylla kala pynpaw ïa ka jingkordor jong ka Yoga kum ka jingai jong ka India sha ka pyrthei kaba long kawei na ki lad ban ïakhun pyrshah ïa ka jingkhuslai bad ki jingpang kiba ïadei bad ka rukom im. Ka la pynshlur ruh ïaki samla pule ban pynlong ïa ka Yoga kum shi bynta haka jingim ba man ka sngi bad ban pynphriang ïaka jingtip shaphang ki jingmyntoi jong ka.
Naka liang ka Dr. Bonnie T Hinge kala kren shapang ka jingmyntoi kiba lah ban ïoh na ka Yoga kaba ïadei bad ka koit ka khiah, kala batai ruh halor ki lad jingsumar kiba lah ban ïoh na ka AYUSH bad ka la pynshlur ïa ki samla pule ban wad jingtip khambniah shaphang kane ka bynta.
Katba ïa ka jinghikai ban ïashim bynta haka jingleh Yoga la ïalam da ka Yoga Demonstrator Dr. Tremonnmi Bamon, Medical Officer (Yoga & Naturopathy of Civil Hospital Ialong) bad ka Yoga Instructor Dr. Bonnie T Hinge.