SHILLONG, Jylliew 19: Ka Pomlakrai SC bad ka Sanmer SC ki la khur jingjop ha la ki jong ki jong ki jingïalehkai jong ka lympung SRGT 3rd Division Football League 2026 ba la pynïaid da ka Shillong Sports Association, hynne ka sngi Thohdieng ha madan Polo.
Kawei pat ka jingïalehkai jong kane ka sngi hapdeng ka Umpling SC bad ka Lumparing SC ka la kut ha ka jingïakhaid.
Ka Pomlakrai ka la wanphai na ka shi kol ban pynliem da 3-2 kol ïa ka Rynjah SC ha ka Group C bad khur pura ïa ki lai point.
Ha ka jingïalehkai ka Rynjah ka la pynkhihjar tang 2 minit mar ïa sdang lyngba u First John Paul Khyriem, hynrei ka Pomlakrai ka la jubab da lai tylli ki kol kawei hadien kawei pat na u Nicky Kurkalang (10 & 20’) bad u Peacemaker Lyngdoh (13’). U Aldrin Lyngdoh (34’) u la thep ïa ka kol kaba ar na ka bynta ka Rynjah.
Haba phai sha ka Group D, ka Umpling SC ka la ïasam mar shi point bad ka Lumparing SC naba ïakhaid mar 1-1. U Joyningstar Thongni (4’) u la thep na ka Umpling, katba u Joslang Lyngkhoi (12’) u la pynïakhaid na ka bynta ka Lumparing.
Nangta ka Sanmer SC ka la pynliem ïa ka Lapalang SC da 3-0 ban lamkhmat ïa ka Group D ha ka kyrdan ba nyngkong.
Kiba la pynkhihjar ha kane ka jingïakhun ki long u Bryan Kharbudnah (29’), u Damangskhem Thabah (62’min) bad u Maymilando Tariang (69’).
Ka prokram ïakhun Pre-Quarter jong ka SSA U-20 4th Division 2026
Tarik- 20.06.2026
Jaka: SSA Ground
Por- 1:00PM Them Rangshken SC pyrshah ïa ka Mawnianglah Youth SC
Jaka: SSA Ground
Por- 4:00PM Mawpdang SC pyrshah ïa ka New Challenger FC
Jaka: MFA Ground
Por- 4:00PM Weilyngkut Area FCC pyrshah ïa ka Thynroit SC