Jowai, Risaw 09: Ka Mupliang Good Will ka la pynthikna ïa ka jaka ha ka jingïakhun phainal jong ka lympung (L) Joybell Suiam Memorial Football League 2026 haka kyrdan Second Division hadien ba ka la jop ïa ka semi final hynne ka sngi Thohdieng.
ïa kane ka lympung la pynïaid daka Thadlaskieñ Sport Association ha madan Wahiajer Multi Sports Complex Stadium.
Haba phai sha ka jingïakhun, ka Mupliang Good Will ka lah ba kan pynliem noh da 4-1 ïaka Lad Mukhla haka jingïashut Tie Breaker, hadien ba ïakhaid mar ar kol (2-2) ha ka jingïalehkai.
Shuwa ba ka jingïakhun kan jam sha ka tie breaker, ka Mupliang Good Will ka la ïoh ba kan lamkhmat da 2-0 lyngba ki kol na u Spain Rymbai (17’) bad u Jerson Phawa (20’). Hynrei ka Lad Mukhla ka la ïoh ban pynphai kawei ha ka kylla step na u Rimi Pyrtuh (25’) shuwa ba kan pynïakhaid lyngba u Pyrkhatbha Suna haka minit ba 59, kaba la pynlong ïa ka rai ban jam sha ka tie breaker.
La pyntip ka jingïakhun (Semi Final) ba ar ha kane ka sngi Saitjaiñ (10/10/2026) kan sdang haka por 12 baje mynsngi hapdeng ka Shillong Police pyrshah ïaka Maskut.
