Shillong, Jylliew 27: Kum ka jingthmu ban bat ïa la ka jingangnud na ka bynta ka bha ka miat ka imlang sahlang bad ki nongshong shnong, ka Headquarters Directorate General Assam Rifles (HQ DGAR) ka la pynlong ïa ka jingai snam hapoh Assam Rifles Multispeciality Hospital, Laitkor. Ïa kane ka prokram la pynlong ha ka jingdonlang u Lieutenant General Vikas Lakhera, AVSM, SM, Director General Assam Rifles.
Ïa kane la pynlong da ka jingïatreilang ruh bad ka Blood Bank of NEIGRIHMS, Shillong, kaba la pynlong halor ka phang ba la buh ha ka pyrthei ka “Give Blood, Give Hope: Together We Save Lives.” Ha kane ka prokram la kren shaphang ka jingdonkam ban wan shakhmat ban ai snam khnang ban ïada ki jingim bad ban kyntiew ïa ka rukom sumar katkum ka kolshor, ka jingsngewtynnad bad ka jingdon ka jingkitkhlieh ha ka imlang sahlang.
Ki la don 14 ngut ki Officer, 5 ngut ki Junior Commissioned Officer (JCOs), 73 ngut ki shipai, bad 4 tylli ki Dependent voluntarily donated blood, kaba la ai ka nuksa jong ka jingshakri kaba shalyndet ki kam ba trei. Ïa kane ka prokram la ïoh ïa ka jingïashim bynta ba shitrhem bad ka jingpynshlur na ki officer ba la heh kyrdan, kaba pyni ïa ka jingïadonlang bad ka jingangnud ïa ka kam.
Kane ka jingsdang kaba rit ka pynpaw ïa ka jingaiti ki shipai Assam Rifles ban kyrshan ïa ka jingkoit bad jingsumar ïa ki paidbah bad ka jingkyrshan ïa ka longbriew manbriew. Kane ka pyni ïa ka jingdon bynta kane ka kam shipai kum ki paralok jong ki riewlum.
