Shillong, Lber : Ka Anthropological Survey of India, North East Regional Centre, Shillong ka la ïashim bynta ha ka jingrakhe ïa ka ‘National Science Day’ ba ar sngi kynthih kaba la long ha ka 22 bad ka 23 tarik mynta u bnai ïa kaba la khot pynlong da ka State Council of Science, Technology and Environment, Meghalaya halor ka mat “Global Science for Global Wellbeing”.
Ha kane ka prokram ka Anthropological Survey of India, Shillong ka la shim bynta ha kaba ïadei bad ka Anthropometric measurement kum ha ka rynïeng (cm) & jingkhia (kg) da kaba pynïahap ruh bad ka Body Mass Index (BMI) na ka bynta kumba 100 ngut ki nongwan ïashim bynta kaba kynthup ïa ki shynrang bad kynthei.
Ha ka sngi kaba bud la sam ruh ia ki ‘health cards’ sha ki nongïashim bynta.ïa kane ka prokram baroh kawei la pynlong hapoh ka jingïalam jong ka Dr. Koel Mukherjee, Anthropologist (P) & Head of Office, Anthropological Survey of India, Shillong.
Kane ka kynhun ka kynthup ïa Dr. Pinuma Baruah, Asst. Anthropologist (P), Dr. Deimaphishisha Sun, Asst. Anthropologist (P), Shri Mukesh Kumar Singh, Sound Technician bad Nabajyoti Ray, Photo Artist.Kane ka prokram ka la long kaba seisoh lyngba ka jingdon bun jong ki nongwan ïashim bynta.
