Jowai, Rymphang 09: Ka General Observer ba dei peit ïa ka 1-Nartiang bad ka 3- Raliang Assembly Constituency ka Madhvi Kataria, IAS mynta ka sngi Palei kala leit jngoh dala de ïa ki katto katne tylli ki Polling Station (PS) kiba kynthup ïa Wahiajer A bad B, Moodop A bad B, Nartiang A bad B bad ka Nangbah A bad B.
Ha kane ka jingleit jurip ka Madhvi Kataria, IAS kala bthah ban dei ban pynbha pynmiat ïa ki bynta ban kiew bad hiar sha ki Polling Station bad ban buh lang ïa ki Ramp bam kham suk ïa kiba la tymmen bad kumjuh ïa kiba don jingduna ha ki dkhot met ba kin wan pyndep ïa ka hok ban thep Vote.
