Her ki maw shaduh ïingbriew na ka jingpynbthei maw ha Jorabat

Nongpoh, Nailar 06: Ki paidbah nongshong shnong ka thaiñ Jorabat kila pynpaw ka jingsngewkhia bad syier mynsiem hadien ka jingwan her ki maw sha ki iing ki sem bala pynbthei na kawei ka jaka shimet haka shnong Mawsmai.
Ki paidbah nongshong shnong kila kynnoh ruh ba kane ka jingpynbthei la leh haka por mynstep kumba 3 ne 4 baje eiei kaba la pynduh thiah duh dem ïaki paidbah ba shong ba sah hajan ha katei ka jaka bad donbok ba ym pat don kano kano ka jingjia ba sngewsih.
Ki paidbah kila pynpaw ruh ba lada kitei ki maw ki dei ïaki briew mano ban shim ka jingkitkhlieh nalor katei ka jaka ka dei kaba ju shah ktah man ka por naka jingshlei um.