Shillong, Nohprah 09 : Ka Liengsuin Spicejet ba mih na Delhi ban wan sha Shillong kala hap ban leit hiar kyrkieh ha Patna namar ka jingmih jingthut ha ki kor bad kane ka liengsuiñ kala hiar suk ha Jay Prakash Narayan International Airport ha ka por mynstep mynta ka Lah Sngi U Blei.
Kat kum ka jingpyntip ki bor pynïaid ka Patna Airport, kane ka liengsuiñ Spicejet (SEJ-2950) kala don jingthut ha ki kor trei kam, kaba pynbor ïa u Pilot ban hap leit phai sha Jay Prakash Narayan International Airport. Kane ka liengsuiñ kala wan hiar ha ka por 8:52 baje mynstep.
Na ka liang ka kompani kala pynbeit da kawei pat ka liengsuiñ ban kit ïa ki briew kiba don ha kane ka liengsuiñ kaba wan sha Shillong.
Ki bor pyniaid ka Airport ki pyntip ba kane ka liengsuin kala hap ban hiar kyrkieh namar ka jingorpait ka jingkhang ïit kaba jia ha ka por 8:38 baje mynstep.
La ïathuh ba ki don haduh 75 ngut ki briew kiba don ha kane ka liengsuiñ ba wan sha Shillong.
