Tura, Ïaïong 19: Ka long kaba sngewsih ban ïohi ba ka Lower primary school ha Mekalpagre, South Garo Hills, ka la treikam napoh ka kamra shet jingshet naba kam don satia ki kamra klas kiba bha na ka bynta ki samla pule.
La ïathuh ba kane ka skul ka hab hapoh ka Chokpot constituency bad ka don haduh 25 ngut ki khynnah skul. Kane ruh la ïathuh ba dei tang kane ka skul kaba don ha kane ka shnong Mekalpagre.
Kaba sngewsangsot ka long ba ki nonghikai ki la hap ban shim klas ïa ki khynnah Nursery haduh ka klas kaba 5 na ka jaka shet ne kamra shet jingshet mynta la palat hynriew snem eiei.
U Willison T Sangma, uba dei u secretary jong ka village council, u la kyrpad ïa ki bor badei peit ba kidei ban shim khia ban pynbeit ïa kane ka kam bad ban ïarap ban pynsuk ïa kine ki jingeh jong ki samla pule bad ki nonghikai.
