Shillong, Lber 13: Ki la don haduh 101 tylli ki jingpynkheiñ ïa ki aiñ da ki nongkhaïi dieng kiba la dep ruh ban ujor ha kine ki 5 snem ba la dep hynrei na ka liang ka tnat ki kam khlaw ka khlem da ai FIR.
Ïa kane la pyntip da u Myntri Rangbah ka jylla u Conrad K Sangma haba jubab hapoh ka ïingdorbar thaw aiñ ha ka sngi Palei.
Ka jingdon jong ki dieng ba thmu ban khaïi beaiñ ba kiba la kurup ha ka snem 2023-24 ka la long 190.8408 cum bad ha u snem 2024-25 pat ka la dei 37.75 cum, u la pyntip.
U la ïathuh ruh ba la lap kumba artylli ki sawmill bad kadei ruh kaba la khang ha ka shnong Chibinang ha ka snem 2023-24.
