Hadien lai sngi ba shah thngan, khot ïakren ka sorkar MDA ïa u Bah Ardent Basaïawmoit

Bah Ardent weng noh seh ia ka jingshah thngan: Ampareen

0

Shillong, Jymmang 25 : Ka sorkar Meghalaya Democratic Alliance (MDA) ha ka sngi Palei ka la khot ïa u nongïalam ka Voice of the People’s Party (VPP) Bah Ardent Miller Basaïawmoit sha ka miej jong ka jingïakren, hadien ba ka jingshah thngan kaba khlem buh por ban dawa phaidien biang ïa ka Reservation Policy ka la poi sha ka sngi kaba lai.
“Nga shu kyrpad ïa utei u nongmihkhmat bad nongïalam ka VPP ba un wan sha ka miej jong ka jingïakren ban ïatai ïa katei ka mat bad ban pyntip ïangi kaei kaba ki kwah iangi ban leh,” ong ka Myntri ka tnad ka Koit ka Khiah kaba dei ruh ka nongai ktien jong ka sorkar MDA. da kaba kyrpad ba un weng noh shuwa ïa kane ka jingshah thngan jong u.
Shuh shuh ka la ong ruh, ‘Ngam lah ban kular ïa u Bah Ardent ba haoid kaba u ong ngin leh beit namar nyngkong ngi hap ban sngewthuh shwa kaei u kwah.”
Ka Myntri kaba dei ruh ka Chairperson jong ka Committe halor ka Roster System ka la ong ruh ba lada utei u heh ka VPP u sangeh noh ïa ka jingshah thngan kan long ka jingbha ïa baroh.
“Sngewbha Bah Ardent wan noh sha ka miej jong ka jingïakren, to ngin ïa kren,” ka la bynrap shuh shuh.
Da kaba pynpaw ïa ka jingsngewkhia halor ka koit ka khiah jong utei u MLA, ka Myntri ka ong ruh ba ka kwah ban ïohi ïa u bad ruh kumno u long watla ka ju kylli na ki doktor ïa ka koit ka khiah jong u man ka por.

Leave A Reply

Your email address will not be published.