Shillong, Risaw 04: Ka Bharatiya Janata Party (BJP) ha ka sien kaba ark ala ioh rung khlieh biang hapoh ka ïing dorbar jong ka Jaintia Hills Autonomous District Council (JHADC) hadien ka jingwan ban pynïasoh u Bah Moonlight Pariat uba dei u MDC jong ka 19- Jowai South Constituency.
Kum ban shu kdew u Bah Lakhon Biam uba la jop kum u MDC ha u snem 2017 haduh 2022 u la jop na ka party UDP na ka Thadraliang Constiuency bad hadien katto katne por u la rung noh sha ka BJP bad kaba dei ka sien ba nyngkong ba ka BJP kan ioh ban rung khlieh ha JHADC.
Ha kane ka kynti ba mynta hadien ba la wan pynïasoh u Bah Moonlight Pariat kadei ka sien kaba ar ba ka BJP kala ioh biang ban bsuh khlieh biang hapoh ka ïing dorbar jong ka JHADC.
Haba kylli na u Bah Moonlight Pariat hadien ba u la dep rung sha ka BJP u la ong, namar ba nga dei u MDC shimet ngam lah ban ong ba sah katno ngut ki ban rung sha ka party BJP.
