Hadien ba pynap shrip ïoh bat ka KSU ïa ki briew bad kali ba thmu shalan drok ha Umsning

Nongpoh, Naitung 15: Hadien ka jingioh jingtip kaba thikna halor ka jingdon ki nongkhaii drok kiba pyrshang ban shalan drok shaka jylla da kaba pyndonkam ruh da ki number plate thok nalor, ka KSU North Khasi Hills District hapoh ka jingïalam u Samla Jester Nongbet kum u Organising Secretary hka step phyrngap kala ioh bat ïa kawei ka kali shimet kaba don ïa u number ML 07 B 9369 kiba dang thmu ban shalan drok haka thaiñ Umsning.
Ha ka kyrwoh sha ki lad pathai khubor, ka Seng ka la pyntip ba hadien ba ki la ioh jingtip kaba bniah ba ka don kawei ka kali shimet kaba thmu ban pynpoi drok shaka jylla bad kaba pyndonkam ruh da ki number plate kiba thok bad kumta naka liang ki dkhot ka seng kila pynlong ka jingpynap shrip mar mar bad la ioh bat ïa katei ka kali haka thaiñ Umsning lem bad katto katne ngut ki briew.
Ha ka jingtohkit ki dkhot ka seng la lap ba ki don ki briew kiba nabar kiba donkti ryngkat bad ki samla khasi ban pynlong ïaka thaiñ Umsning kum kawei naki lynti ban pynïaid bad pynpoi ïa u drok sha ka jylla bad hadien ka jingioh kem naka liang ka KSU kala aiti noh sha ki pulit ka Umsning Police Station ban leh ïa kaba donkam katkum ki kyndon aiñ bad ka seng ka kyntu ruh ïaki bor pulit ba kim dei ban shim sting ïaki kam dih bad shalan drok hynrei ban leh da kaba tyngeh ïa ki briew kiba ju donkti ha kum kitei ki kam dih bad shalan drok.