Shillong, ïaïong, 28: Ar snem hadien u khñiang jingpang COVID-19 u la wan mih paw biang ha kane ka jylla Meghalaya ha kaba u la dkhat syndon ïa ka jingim jong uwei u rangbah uba la 46 snem ka rta na West Garo Hills District.
Ha u kyrwoh ba la phah da ka tnat ka Koit ka Khiah sha ki lad pathai khubor, tang ha ka sngi Thohdieng ki don 8 ngut kiba ïabit ïa une u khñiang jingpang, arngut kiba la ïoh jingkoit bad uwei uba la khladnoh. Kine ki phra ngut ki kynthup ia ki 6 ngut tang na West Garo Hills bad arngut na West Jaiñtia Hills District
Katkum ka jingai jingkheiñ, ïa mynta ki don 17 ngut ha baroh kawei ka jylla kiba ïabit ïa u khñiang jingpang COVID-19 bad kiba la ngat ïa u khñiang jingpang COVID-19 naduh ki snem ba la leit noh ter ter haduh mynta ki long 96845 ngut, kiba la ïoh jingkoit ki long 95202 ngut, kiba ïap ki long 1626 ngut bad kiba ladep leh Test ki long baroh 14,3,9422 lak ngut.
