Donkam ka jingkhuid bad shai ki jingkheiñ jingdiah hapoh ka KHADC, ong u Bah PN Syiem

Shillong, K’ Lyngkot 13: Ka donkam ïa ka jingkhuid bad ka jingshai ha kaba ïadei bad ki jingkheiñ jingdiah ha kaba ïadei bad ki rukom treikam jong ka Khasi Hills Autonomous District Council (KHADC), ong u Deputy Chief Executive Member barim ka Donkam ka jingkhuid bad shai ki jingkheiñ jingdiah hapoh ka KHADC, ong u Bah PN Syiem
KHADC, u Bah Pynshngain N Syiem haba kren dangshen sha ki lad pathai khubor hadien ka jingïalang jong ka seng Congress.
Lah ban pynkynmaw ba ka kaiphod jong ka Comptroller and Auditor General (CAG) ka la ther tyngeh pyrshah ïa ka KHADC halor ka jingpulom halor kine ki artylli ki bynta ba kongsan, kaba kynthup ruh ïa ka jingduna ha kaba ïadei bad ka jingthung kam thungjam kaba la pynïaid da kane ka jaka treikam.
Lah ban pynkynmaw ba ka council dangshen ka la thaw ïa ka public accounts committee, ha kaba u nongïalam ka liang pyrshah u Bah Titosstarwell Chyne u la shah jied kum u Chairman, bad shisien ba ka la khot ïa ka jingïalang kan sa hap ban pyrkhat ïa baroh ki jingshem hapoh ka kaiphod jong ka CAG.
U Bah Syiem u la ai jingmut ba kadei ban don ruh ka jingshim kheiñ kaba napoh ne ka internal audit kaba dei ban leh ha ka shisien lai bnai khnang ban lah ban pynneh ïa ka jingkhuid jingsuba bad ka jingbeit ka jingkheiñ jingdiah ha ki jingtreikam jong ka KHADC.
U Bah Syiem u la banjur ruh kumjuh ba ka district council ka dei ban don ka recruitment policy ne ka rukom pynïaid kam ha ka thungkam thungjam bad kane kan dei ban long katkum ka policy bad ka long ruh kaba donkam ban khmih thymmai biang ïa ka district council service rules khnang ba ki executive committee ki ban wan nadien kin bud ïa kine ki jingbthah bad ki kyndon.