Mawkyrwat, Lber 11: Kawei ka jingkieng ïaid kali kaba don ha ka surok Nongshillong-Jakrem Road ka la dkut noh katba dang ïaid lynti kawei ka trok 12 taïar kaba kit nar rod.
Ha ka tyllong khubor ba la ïoh lum, la ong ba kane ka jingjïa ka la jia ha ka step jong ka 11 tarik u Lber, 2024 ha Shnong Larem, South West Khasi Hills District ha kawei ka wah Umshangkhar katba kawei ka trok 12 taïar kaba don ïa u Registration Number AS01 EC 8291 ka dang ïaid lynti bad kane ka trok ka la hap lang ryngkat bad ka jingkieng.
Shuh shuh ha kane ka la jia la ong ba ym shem la don kino kino kiba mynsaw. Ha ka kyrwoh khubor lyngba u Executive Engineer jong ka PWD (Roads) Mawkyrwat Division ula ai ka jingpyntip paidbah ba ïa mynta shipor ïa kane ka surok Nongshillong-Jakrem Road kaba don ka jingkieng No.19/5 kaba ïaid lyngba ka wah Umshangkhar ha Shnong Larem, South West Khasi Hills District la khang ban ïaid kali.
