Dei namar ka jinglalot pisa ba u Bah Hamlet u leit ïasnoh sha ka NPP : Bah Ronnie

0

Shillong, K’lyngkot 11: U MDC jong ka Congress uba la u long teng ruh u MLA ka Mylliem Constituency u Bah Ronnie V. Lyngdoh u la kynthah tyngeh ïa ka jingleit pynïasnoh u MLA barim ka Mylliem u Bah Hamletson Dohling sha ka NPP bad ong ba kane ka jingleit jong u sha ka NPP ka dei namar ka jinglalot pisa jong u bad ieh shadien pat ïa ka jingdonkam ki paidbah ka constituency.
U Bah Ronnie u la ong ba kane ka jingleit jong u Bah Hamlet ka dei ka jingshukor ïa ki paidbah ka Mylliem hi baroh kawei.
Shuh shuh u la ong ba u Bah Hamlet um leit ba ïasnoh bad ka NPP wat la u la tip shai ba ka NPP ka dei tang ka bula jong ka BJP kaba ym ju don kano kano kano ka mynsiem ban peit ïa ka bit ka biang ki rit paid ha ka ri.
“Lada u Bah Hamlet u dei u nongïalam ba peit ïa ka bha ka miat ki paidbah, balei pat un ieh noh ïa ka party kaba u la don baroh shi katto? Ka jubab baroh ngi la sngethuh shaibalei u leh kumta. Ngi dei bansngewthuh hangne ba ka NPP ka donkam ïa ka u number katba u Bah Hamlet u kwah ïa ka pisa,” u la ong.
Shuh shuh u la bynrap, “Ka BJP ka la leh tohmet bad pynshitom ïa ki Khristan ha kylleng ka ri, ka don ka ka jingpynjulor ïa ka ïingmane bad ka jingpyrshang ban pynduh pyndam ïa ka jingngeit tynrai. Wat la u Bah Hamlet u la tip shai ïa ka NPP ba ka dei ka bula ka BJP hynrei u leit beit ban pynïasoh. Wat haduh mynta ngam pat ïohi ba u Bah Hamlet un kren eiei ïa ka jingshah ban beiñ ki Khristan bad ki riewlum.”
U la ong ruh ba kine ki san snem kiba ka NPP ka synshar ka kam bamsap kaba i shyrkhei bad mynta pat ka pyrshang ban tap eit-miaw ïa ka jingbymler jong ka da kaba pyrshang ban pynbiej da ka pisa.
Shuh shuh u la ong ba kaei kaba donkam mynta ka long ban kham pynleit jingmut ha ki samla namar ki dei ka lawei kaba la shah ieh beiñ ha kine ki san snem ha ka NPP.

Leave A Reply

Your email address will not be published.