Dei ban ïakren mardor ka Sorkar Meghalaya ïa ka Sorkar Assam ban lait ka jingïaumsnam: HANM

Shillong, Nailur 02 : Ka sorkar Meghalaya ka dei ban ïa kren noh wut wut naduh mynta ka sngi ïa ka sorkar Assam ba kim dei shuh ban leh beiñ ïa ki Khasi Pnar ha Cachar Hills ,bad kiwei Ki jaka lym kumta ngin sdang biang ban leh da ka kam pyrshah ïa ka Assam bad lada jia ba poi sha u pud ban ïa umsnam ruh yn ym don jingkit khlieh.
ïa kane la kren da u President ka seng HANM u bah Lamphrang Kharbani ha ka jingïalang pynskhem nongkitkam ha IB kaba don ha ka shnong Pdengshakap, u tei u nongïalam u lah pynpaw ba ka mynsiem jong ka seng ka tyrha ka mynsiem haba ki ïohi ba ki Khasi Pnar ki shah leh beiñ ha ka Assam ha Cachar Hill ha Lapangab block-I block-II.
Ka seng ka maham tyngeh ba ka sorkar MDA-II ka dei ban ïakren noh naduh mynta ka sngi hi ba ki Assam kim dei shuh ban pom ïa ki dieng Kwai ki Tympew jongki paradoh para snam ladei hangno hangno ruh lada ki nong Assam ki dang bteng ïa kine ki kam beaiñ jong ka ngi ruh ngin sdang noh ban pynthud ïa ki nong Assam kiba sah ha Meghalaya.
U nongïalam ka seng u la ong ba kin nym tip ki trei kam sorkar ne phi trei kontrak ne ki pule ne ki khaïi ruh lada ngim lah shah shuh ngim tip kaei ka ban jia te kumta ka Assam ka dei ban bthah ïa ki briew la jong ba kin sangeh noh khnang ban wanrah ïa ka shong suk kum baroh shi katta bad kum Ki jylla ba mar jan.