Shillong, Nailar, 03: Ka Khasi Students’ Union (KSU) Shillong Mihngi Circle ha ka sngi Palei hapoh ka jingïalam jong u Vice President u samla Jimmy Nongdhar, ki la leit ban ïakynduh markhmat ïa u Director jong ka NEIGRIHMS u Prof. (Dr.) Nalin Mehta,
ban pynpaw ïa ki jingeh jong ki paidbah ha kaba ïadei bad ka jingduna jong ki doktor bad ki Staff ha kane ka Hospital.
Na ka liang jong u Director, u la kular skhem bad pynbeit noh kham kloi ïa ki jingeh kiba ka seng ka la ujor bad u la kular ruh ba yn ym don shuh ki jingeh nangne shakhmat.
Ka KSU ka la pynpaw ba kan sa nang ïai buddien khlem shongthait ïa ki mat jingdawa lada ki bor pynïaid jong ka NEIGRIHMS kim lah ban pynurlong.
