Dawa ka JNC ban beh mardor ïa kito kiba donkti ban pynshit halor ka jingjia ha Thangskai

Khliehriat nailar 26: Ki dkhot jong ka Jaiñtia National Council hapoh ka jingïalam jong u President rangbah, u bah Sambormi Lyngdoh mynta ka sngi ki la leit ban hiar sha ka Company Topcem bad iakynduh ïa ki heh jong ka company, haba ïakren bad ki heh ka company ka seng ka la dawa ba dei ban beh noh mardor ïa kito kiba don kti ha kaba pynshit ïa ka jingiakhih ha Thangskai myn ha ka 24 tarik mynta u bnai.
“Haba iakynduh bad u heh katei ka company, ka seng kala dawa mardor ba dei ban beh noh shi syndon ïa ki to kiba don kti ban phah shoh, phah bom ïaki paidbah, bad ka seng kala dawa ruh ba khamtam ïa kito kiba kren baheh, kiba tim da ki ktien sih ba dei ban beh kam noh hi shi syndon bad ym dei shuh ban dang iohi ïaki hapoh kane ka thaiñ” ong u kyrwoh.
“Na ka liang jong u tei u heh ka company, u la pynpaw ba ïa ki to kiba kren baheh, ka company kala dep ban pynduh kam ïa ki shi por bad u la kular ruh hakhmat ka seng ban shim ïa ka sienjam kaba tyngeh ïa ki to ba donkti ban phah shoh phah dat”
Katkum u kyrwoh, la iathuh ruh ba ki heh jong ka company Topcem ki la ong ba na ka bynta kito ki paidbah kiba mynsaw ha katei ka sngi, ka company kan sa ai ka jingiarap, u la pynpaw ruh ba ym lah ban mutdur satia ba kan jia da kumto ha katei ka sngi bad u la pan map ruh halor kato ka jingjia kaba pynsngewsih shi katdei eh khamtam ïa ki longkmie ba pli, pynkut u kyrwoh na ka Jaiñtia National Council.