Nongstoiñ, Risaw 06: Ka HYC Shilliang wahblei area unit hapoh ka jingïalam jong samla Lamborgining Lyngkhoi general secretary, ryngkat ka jingsynranlang bad ka Mawshynrut circle, ha ka sngi thohdieng, ka la leit ïakynduh ïa u EE Mawshynrut division ban dawa siang rong noh ïa ka surok na Rimardon shaduh Nongsleh.
Ha ka jingïakren bad u EE, u la ïathuh ba ki surok na ka wah Riwiang sha duh zero point ki dang don ha ka proposal bad ym pat ïoh ïa ka officïal notification na ki bor ba halor ba kito ki jaka kin hap ha ka Mawshynrut division.
Na ka liang ka seng ka la pynpaw ba lada ka sorkar ka pynslem ban ai approval ïa kito ki surok, kan sah wanrah jingeh ïa ki paidbah jong ka dong ka thaiñ. Namar haduh mynta kine ki surok bad ki jaka kim pat shai tikna la kin hap ha ka Mawshynrut division ne Nongstoiñ division.
Na ka lïang ka seng ka kyntu ïa ka sorkar ban pynsted noh ban ai approval noh ïa kito ki surok na ka wah Rwiang shaduh zero point ba kin hap noh hapoh ka Mawshynrut division
Halor kane, na ka liang u EE u la kular hakhmat jong ka seng ba un shimkhia ïa kane ka kam ynda lah ïoh ka official approval na ka ki bor ba halor ba kito ki surok na Rwiang shaduh Zero point, kin hap noh ha ka jingpeit jong ka Mawshynrut division.
