Dap satang ki klong plastic bad ki ñiut ba per ha ka Wah Myntdu, sngewkhia ka JSM

Jowai, Ïaïong 30: Ka Wah Myntdu kadei ka nongbsa umbam umdih ïa baroh ka Shnong Jowai haduh mynta daki phew phew snem bad sngewsih ban ïohi ïaka jingwan ki plastic, Klong plastic ha baroh shilynter ka Wah hadien jong u sla hynnin ka sngi 29 tarik.
Kiba bun na ki nongshong Shnong ka Jowai kila sakhi ïa kane bad la ïohi ha shilynter kane ka wah la dap daki ñiut kiba la per bad ka um ktieh kaba jaboh. Kane ka jingwan poi ki ñiut ka dei ha ka por slap bad dei na ka daw ba ka Municipal ki khlem kit ïaki ñiut na ki Dong, ki Shnong hapoh Jowai bad dei na kane ka daw bun kiba bret kat shaba lap ïaki ñiut shilynter ka Wah, ong ka seng.
Ym lah ban klet ïaka wei naki seng treimon Sngewbha ka ‘Khoid Ya ka Wah Myntdu bad ymlah khlem da ïa roh ïakane ka seng ba sngewkhia shibun eh ban thuh ki lad ki lynti ban weng bad khanglad da kaba pynsngewthuh ïa ki paidbah ban nym bret jaboh bapher kiba lah ban poi sha ki bynta ka Wah.
Naka liang ka Seng Jaiñtia Student Movement (JSM) Jowai Circle ka ai ka jingsngewnguh ïa kane ka seng ba shim ïaka jingkit khlieh ban phah shna ïaka JMB ki nala khnang ban ïada ïaki ñiut ban tuid shaka Wah. Shuh Shuh ka seng ka kyrpad jur ïaki Nongpynïaid ka Jowai Municipal Board (JMB) ban wan kit ki ñiut na ki kyntoit ba don hapoh Shnong Jowai khnang ba ïa ki ñiut ba shah kim nym lah ban leit bret kat shaba lap.