Shillong, ïaïong, 30: U Myntri barim jong ka Sorkar Jylla u Bah Endro Lawphniaw uba long ruh u MLA barim jong ka Nongstoiñ Constituency u la khlandoh ha ka rta kaba 83snem.
U Bah Endro u dei uwei napdeng ki riewpawkhmat ha ka jylla bad uba la don bynta la slem ha ki kam shakri paidbah.
Ka Jylla Meghalaya baroh kawei ka la ïam briew halor ka jingduhnoh ïa u Bah Endro Lawphniaw, uba la khladnoh ha ka ingsah jong u ha Dhankheti-Malki ha ka sngi Saitjaiñ.
U Bah Endro u la jop ïa ka elekshon sha ka Iingdorbar Thawaiñ na Nongstoiñ ha u snem 1978 na ka seng Hill State People’s Democratic Party (HSPDP).
Ka jingleit ontep donburom ïa ka met ba dang sah jong u Bah Endro kan long ha ka 1 tarik, Jymmang, 2023, ha ka por 2:00 baje nohphai sngi ha u lum jingtep jong ka Balang Mawkhar ha Mission Compound, Shillong.
