Da ka State Literary Award ba 1Lak ïa ki nongthoh Khasi bad Garo

0

Shillong, Naiwieng 09 : Ka sorkar jylla ka la rai ban wanrah da ka State Literary Award na ka bynta ki nongthoh kum shi bynta ban kyntiew ïa ka Ktien Khasi bad Garo ha ka jylla.
Haba kren bad ki lad pathai khubor hadien ka jingïalang jong ka kynhun Myntri ha ka sngi Balang, u Myntri Rangbah ka jylla, Conrad K Sangma u la ong, “Nalor ka Resolution kaba ngi la mynjur ban kyntu ïa ka sorkar India ba kan kynthup lang noh ïa ka Ktien Khasi bad Garo ha ka Khyrnit kaba Phra, ngi la shim ïa ka sienjam ban kyntiew shuh shuh ïa kine ki Ktien jongngi.”
Katkum ka jingong jong u, ïa katei ka khusnam na ka bynta ki nongthoh ha kitei ki ar tylli ki jait Ktien kan long ha ka song pisa kaba shi lak tyngka kawei.
“Man u snem kan don ka komiti kaban khlieh da u Director ha kaba kin bishar bniah ïa kito ki kyrteng bad ki paidbah ki lah ban phah ïa kano kano ka kyrteng lane ïalade ruh. Kumta hadien ba la dep bishar, ka komiti kan sa tyrwa ïa ka thup kyrteng sha ka sorkar,” bynrap biang u Myntri Rangbah.

Leave A Reply

Your email address will not be published.