Shillong Naiwieng 09 : Ka Kynhun Myntri ha ka sngi Balang ka la mynjur ïa ka notification jong ka Meghalaya Epidemic Diseases Malaria Regulation 2022, kaba katkum ka National Framework for Malaria Elimination 2016-2030 programme, ka sorkar India ka buh thong ban rat dyngkhong ïa ka jingpang Malaria.
Haba kren bad ki lad pathai khubor, u Myntri Rangbah ka Jylla, Conrad K Sangma u la ong ba ka jylla ka la mad ïa ka jingshah ktah kaba jur ha ki snem ba la dep na ka daw jong katei ka jingpang. “Hynrei ngi la ïaid shakhmat ban tehlakam ïa ka jingphriang jong katei ka jingpang.”
U la ong ruh ba da katei ka thong treikam kan pyntikna ban ai ka jingpeitngor kaba kyrpang haba don kino kino ki jingpang Malaria ha ka jylla ban dup lah ban rat dyngkhong noh ïa ka.
