Nongpoh, Nailar 03: Ka FKJGP North Khasi Hills District Unit mynta ka sngi kala hiar sha ka shnong Tyrso ha Ri-Bhoi ban leit ai sngewbha da ka jingtem Piano sha ka Balang Catholic ka ba don ha katei ka shnong ba kin ioh ban pyndonkam haka jingshakri ïa u trai lyngba ka put ka tem hadien ba naka liang katei ka Balang kala ai jingthoh sha ka seng ba ki donkam ïakatei ka jait jingtem.
Ïaka jingtem Piano la aiti sha ka Balang Catholic Tyrso da u Bah Luistar Lyngdoh President ka FKJGP North Khasi Hills District Unit, haka jingdonlang u Bah Moses Lamare Rangbah Balang, ki nongïalam ka seng naduh u Bah Gabriel Sun Education Secretary, Ricky Majaw Information Secretary, Banroy Wahlang President Umling Circle, ki nongïalam na Bhoirymbong Tyrso Circle bad kiwei kiwei.
Naka liang u Bah Luistar Lyngdoh u la pynpaw ruh hadien ka jingai jingthoh jong ka Balang ba ki donkam ïa katei ka jait jingtem u la shimkhia ban pdiang ïa katei ka jingkyrpad jong ka Balang da ka ba kyntu watla ka dei ka jingai ba rit jong ka seng hynrei ban pdiang ïaka da ka mynsiem ba kylluid kumba ka dei ka ba la mang naka bynta ka jingshakri ïa u Blei.
